Alakólde 17 jastaǵy jasóspirim sýǵa batyp kóz jumdy. Ol katerden qutqarý jıletinsiz sýǵa sekirgen, dep habarlaıdy Egemen.kz.
Oqıǵa jaǵalaýdan 500 metr jerde bolǵan. Jelide taraǵan vıdeoda jasóspirimdi ózge demalýshylar qutqarýǵa tyrysqany kórinedi. Biri sýǵa qutqarý sheńberin laqtyrdy.
Bolǵan oqıǵaǵa baılanysty polısııa tergeý bastaǵan. Tıisti saraptamalar taǵaıyndalǵan.
«Adam ólimine alyp kelgen qaýipsizdik talaptaryna saı kelmeıtin jumystardy oryndaý nemese qyzmet kórsetý faktisi boıynsha qaıyqtyń 32 jastaǵy ıesine qatysty sotqa deıingi tergeý bastaldy», – delingen Abaı oblysynyń polısııa departamenti taratqan aqparatta.
Buǵan deıin Alakóldegi qaýipsizdik pen ınfraqurylym máselesi synǵa ushyraǵan. Prezıdent Qasym-Jomart Toqaev «Alakól týrısterdi qabyldaýǵa daıyn emes» degen. Keıinnen aımaqqa premer-mınıstrdiń orynbasary Ermek Kósherbaev pen týrızm jáne sport mınıstri Erbol Myrzabolsynov barǵan. Bir qyzyǵy synǵa ushyrǵan Alakól buryn Kósherbaevtyń ózi basqarǵan Shyǵys Qazaqstan oblysyna qaraǵan.