8 tamyz kúni saǵat 08:58-de (jergilikti ýaqytpen) nemese Grınvıch boıynsha 03:58-de О́zbekstan Respýblıkasynyń aýmaǵynda jer silkinisi tirkeldi, dep habarlaıdy Egemen.kz О́zbekstan Tótenshe jaǵdaılar mınıstrligi janyndaǵy Seısmologııalyq boljaý monıtorıngi respýblıkalyq ortalyǵyna silteme jasap.
Jer silkinisiniń koordınattary: soltústik endik boıynsha 40,55 gradýs; shyǵys boılyq boıynsha 72,26 gradýs.
Magnıtýdasy — 4,2. Tereńdigi — 15 km.
Jer silkinisiniń epısentri Tashkentten ońtústik-shyǵysqa qaraı 268 km qashyqtyqta, Andıjan oblysynyń Marhamat aýdanynda ornalasqan.
Dúmpýler birneshe óńirde sezildi:
Andıjan oblysynda — 3 ball, 29 km qashyqtyqta
Ferǵana oblysynda — 2–3 ball, 45 km qashyqtyqta
Namangan oblysynda — 2 ball, 72 km qashyqtyqta
Al buǵan deıin, 5 tamyzda, kúshi 2 ball bolatyn jer silkinisi Qazaqstannyń ońtústigindegi 20 eldi mekende sezildi. Jer silkinisiniń oshaǵy Qyrǵyzstan aýmaǵynda, Almatydan ońtústik-batysqa qaraı 408 km qashyqtyqta ornalasqan edi.