Túrkistan oblysy aýmaǵynda 700-ge jýyq úkimettik emes uıym tirkelgen. Olardyń 33,4%-y qalalarda bolsa, 66,6%-y aýdandarda ornalasqan, dep habarlaıdy Egemen.kz.
Bul derekter Túrkistanda ótken «Áleýmettik jaýapkershilik pen qoǵamdyq belsendilik: Azamattyq qoǵamnyń qozǵaýshy kúshi» atty HII óńirlik azamattyq forýmda aıtyldy. «Túrkistan oblysynyń Azamattyq Alıansy» zańdy tulǵalar qaýymdastyǵy nysanyndaǵy birlestik týraly «Elge etken eńbek» atty kitaptyń tusaýkeseri ótip, arnaıy beınerolık kórsetildi. Keleli basqosýǵa Qyzylorda, Jambyl, Qostanaı, Shymkent, Ulytaý, Qaraǵandy, Aqtóbe jáne taǵy basqa oblystardan delegasııa ókilderi qatysty. Azamattyq qoǵam ókilderiniń basyn qosqan forýmda sóz sóılegen oblys ákiminiń orynbasary Ertaı Altaev bul shara Prezıdent Qasym-Jomart Toqaevtyń bastamasymen júzege asyp jatqan «Halyq únine qulaq asatyn memleket» tujyrymdamasynyń naqty kórinisi ekenin atap ótti.
– Memleket basshysynyń qoldaýymen jyl saıyn úkimettik emes uıymdarǵa memlekettik qoldaý qarjysynyń kólemi arta túsýde. Atqarýshy bılik pen tutas eldiń, úkimettik emes uıymdardyń birlesken jumysy arqyly oblys ekonomıkasy joǵary qarqynmen damyp keledi. Túrkistan oblysy qysqa merzimdi ekonomıkalyq ındıkator boıynsha eki aı qatarynan úzdik kórsetkish kórsetýde. Bıylǵy jyldyń 6 aıynyń qorytyndysymen ósim 118%-dy qurap, respýblıka kóleminde kóshbasshylyqty saqtap qaldy. О́nerkásip ónim kólemi 723,3 mlrd teńgeni qurap, 13,5%-ǵa artty. Oblys ekonomıkasynyń negizgi salasy bolyp sanalatyn aýyl sharýashylyǵynda ónim kólemi 253,9 mlrd teńgeni qurap, ósim 104,7% deńgeıinde oryn aldy. О́ndirilgen ónim boıynsha respýblıkada kóshbasshymyz, – dedi Ertaı Kenjebekuly.
Sondaı-aq jıynda Mádenıet jáne aqparat vıse-mınıstri Aızada Qurmanova, «Qazaqstannyń Azamattyq Alıansy» zańdy tulǵalar qaýymdastyǵynyń prezıdenti Baný Nurǵazıeva, «Qazaqstan halqyna» qoǵamdyq qorynyń basqarma tóraıymy Lázzat Shyńǵysbaeva, Túrkistan oblysynyń qurmetti azamaty Jamalbek Sháripbekov baıandama jasap, azamattyq qoǵamdy damytýdaǵy orny men mańyzyn qalyptastyrý baǵytyndaǵy oı-pikir, usynystaryn ortaǵa saldy.
Forým barysynda azamattyq qoǵamnyń memlekettik basqarý júıesindegi alar orny men ortaq maqsattarǵa negizdelgen jobalar aıtylyp, josparlar pysyqtaldy. Sondaı-aq oblysta memlekettik saıasatty nasıhattaý, eldiń yntymaǵy men birligin saqtaýǵa úles qosyp júrgen úkimettik emes uıym ókilderi marapattaldy.
Túrkistan oblysy