Prokýratýrada marqum Sherzat Bolattyń aǵasy Nurqanat Ǵaıypbaevtyń ólimine qatysty qylmystyq istiń toqtatylý sebebin túsindirdi, dep jazady Egemen.kz.
Vedomstvonyń málimetinshe, sotqa deıingi tergeý barysynda oqıǵanyń barlyq mán jaıyn jan-jaqty, tolyq jáne obektıvti anyqtaý maqsatynda qajetti tergeý áreketteri júrgizilgen.
«Jınalǵan dálelder, saraptamalyq qorytyndylar jáne ózge de materıaldar negizinde Nurqanat Ǵaıypbaevtyń ólimi óz-ózine qol jumsaý (sýısıd) saldarynan bolǵany anyqtaldy. Úshinshi tulǵalardyń yqpalymen ózin-ózi óltirýge ıtermeleý faktileri anyqtalǵan joq. Sondyqtan bıylǵy 17 maýsymda sotqa deıingi tergeý organy QPK talaptaryna sáıkes akt negizinde isti toqtatty», – dep habarlady Almaty oblysynyń prokýratýrasy.
Almaty oblysy.