Túrkııanyń batysyndaǵy Balykesır provınsııasynda bolǵan jer silkinisi saldarynan bir adam kóz jumdy. Qutqarýshylar onyń denesin qıraǵan ǵımarattyń úıindisiniń astynan alyp shyqqan, dep jazady Egemen.kz jergilikti Hürriyet basylymyna silteme jasap.
Eldiń ishki ister mınıstri Álı Erlıkaıa marqumnyń jasy 81-de bolǵanyn rastady.
Aımaqta izdestirý-qutqarý jumystary jalǵasyp jatyr. Oǵan 300-den astam maman jáne 79 arnaıy tehnıka jumyldyrylǵan.
Eske sala keteıik, 10 tamyzda Túrkııanyń batysynda magnıtýdasy 6,1 bolatyn jer silkinisi tirkelgen edi. Jerasty dúmpýleri jergilikti ýaqytpen saǵat 19:53-te sezilgen. Epısentri Balykesır provınsııasyndaǵy Syndyrgy aýdanynda ornalasyp, tereńdigi shamamen 11 shaqyrym bolǵan.
Sondaı-aq óńirde 20-ǵa jýyq álsiz qaıtalama dúmpý tirkelgen.