Roza Baǵlanova atyndaǵy «Qazaqkonsert» memlekettik akademııalyq konserttik uıymynyń BIRLIK ansambli Japonııanyń Osaka qalasyndaǵy EXPO 2025 halyqaralyq kórmesinde óner kórsetti, dep jazady Egemen.kz.
Ansambl Qazaqstan Respýblıkasy Ulttyq kúnine arnalǵan saltanatty ashylý rásimi men gala-konsertine qatysty. Is-sharaǵa 158 el, 9 halyqaralyq uıym qatysty. О́ner ujymy Osaka qalasyndaǵy Ray Garden sahnasynda jáne Swissotel Nankai Osaka qonaq úıiniń saltanatty zalynda óner kórsetip, kópshilik kóńilinen shyqty. Konserttik baǵdarlamada kórermen nazaryna «Kúı shashý», «Aqqý», «Salkúreń» jáne t.b. basqa da dástúrli bıler usynyldy.
BIRLIK ansambli - jahandaný zamanynda ulttyq qundylyqtardy ulyqtap, elimizdiń mádenıetin álemge tanytyp júrgen biregeı óner ujymy.
Aıta keteıik, atalǵan ansambl Mádenıet jáne aqparat mınıstrliginiń qoldaýymen 2024 jylǵy 1 naýryz Alǵys aıtý kúnine oraı quryldy. Ujymnyń repertýary qazaq halqynyń tarıhymen jáne táýelsiz Qazaqstannyń qalyptasýymen tyǵyz baılanysty 130 etnostyń mýzykalyq murasy men ónerin qamtıdy.