Premer-mınıstr Oljas Bektenov «Rosatom» memlekettik korporasııasynyń bas dırektory Alekseı Lıhachıovpen kezdesý ótkizdi. Onda elimizde boı kóteretin birinshi atom elektr stansasynyń qurylysy týraly aıtyldy.
Áýeli Oljas Bektenovke «Rosatom» korporasııasynyń basshysy Almaty oblysyndaǵy alǵashqy atom elektr stansasy qurylysynyń bastalǵany týraly aqparat berdi.
Kezdesý barysynda taýarlar men qyzmetterdegi otandyq qamtý tetikteri, jergilikti qural-jabdyqtar men materıaldardy paıdalaný, sondaı-aq kadrlyq áleýetti tartý, tájirıbe almasý máseleleri talqylandy. Iаdrolyq-otyn sıkli úderisterin lokalızasııalaý máseleleri kóterildi. Sondaı-aq jetekshi otandyq jáne sheteldik áriptesterdi biriktiretin halyqaralyq konsorsıým qalyptastyrýdyń tájirıbelik tustary qarastyryldy.
Reseı tarapy atom elektr stansasy qurylysy aıasynda kooperasııanyń qajetti deńgeıin qamtamasyz ete otyryp, Qazaqstan jáne basqa elderdiń jetkizýshilerimen yntymaqtasýǵa daıyn ekenin jetkizdi.
Premer-mınıstr Oljas Bektenov atom elektr stansasynyń qurylysy Memleket basshysynyń baqylaýynda ekenin atap ótti. Úkimet jobany júzege asyrýǵa qajetti kómek kórsetedi.