Germanııanyń Dortmýnd qalasynda grek-rım kúresinen Gran-prı halyqaralyq týrnıri máresine jetti. Baıraqty básekede Qazaqstan quramasy 2 altyn, 2 kúmis, 3 qola, barlyǵy 7 medal jeńip aldy, dep jazady Egemen.kz.
Qazaq balýany Demeý Jadraev (77 kelige deıin) barlyq beldesýde jeńip, chempıon atansa, 67 keli salmaq dárejesinde beldesken Bagdat Sabaz da qarsylastarynan basym túsip, altyn júldeger atandy.
Kúmis júldeni – Erbol Kamalıev (60 kg deıin) pen Omar Sataev (82 kg deıin) ıelendi.
Al Aıbek Sabyrbekov (60 kg deıin), Asaýhat Muhamadıev (63 kg deıin) Meıirjan Shermahanbet (67 kg deıin) úsheýi úshinshi oryn alyp, qola júldege qol jetkizdi.