Premer-mınıstrdiń birinshi orynbasary Roman Sklıardyń qatysýymen Sinotruk kompanııasynyń Qazaqstandaǵy Saran Machinery kompanııasyna qosylýy týraly kelisimge qol qoıyldy. Osylaısha kommersııalyq jáne arnaıy tehnıka óndiretin birlesken kásiporyn quryldy, dep jazady Egemen.kz.
Joba Qazaqstan Respýblıkasy Úkimeti men Qaraǵandy oblysy ákimdiginiń qoldaýymen ónerkásiptik yntymaqtastyqty damytý aıasynda júzege asyryldy. Jańa zaýyt elimizdegi kommersııalyq tehnıka óndirisin damytýdyń mańyzdy ortalyǵy bolady.Birlesken kásiporyn Saran qalasyndaǵy «Saran Machinery» JShS bazasynda ornalasqan. О́ndiristiń jyldyq qýaty 10 000 dana tehnıkany, onyń ishinde HOWO markaly júk kólikterin shyǵarýdy qamtıdy.Jańa zaýyt zamanaýı tehnologııalyq keshenmen jabdyqtalady, onyń ishinde Qazaqstandaǵy metalldy kataforezdik óńdeýdiń alǵashqy jelisi bar. Bul qondyrǵy kýzovtardy korrozııadan joǵary deńgeıde qorǵaıdy jáne tehnıkanyń paıdalaný merzimin edáýir uzartady.«Lokalızasııany damytýǵa basa nazar aýdarylýda. Kásiporyn Qarmet metallýrgııalyq zaýytynda óndirilgen myryshtalǵan bolattan jasalǵan kýzov bólshekterin paıdalanýdy josparlap otyr. Bul qazaqstandyq shıkizatty tolyqtaı paıdalanýǵa jáne óndiris sıklyn el ishinde uıymdastyrýǵa múmkindik beredi», dedi Roman Sklıar.
Sinotruk buǵan deıin Qazaqstandaǵy jergilikti seriktestermen birge birlesken óndiris júrgizip, yntymaqtastyqtyń negizin qalaǵan bolatyn.Jańa kásiporyn óndiris qýatyn arttyryp, jumys oryndaryn kóbeıtip, lokalızasııany joǵarylatýdy kózdeıdi. Joba tolyq qýatqa shyqqan soń 1 000 adamǵa deıin jumys ornyn qurýy josparlanǵan.2025–2026 jyldary Qazaqstan Respýblıkasy О́nerkásipti damytý qorynyń qoldaýymen tehnologııalyq jabdyqtar kezeń-kezeńimen jetkiziledi. 2025 jylǵy qazanda shassı men kabınalardy jınaýǵa arnalǵan jabdyqtar, al 2026 jyldyń ekinshi toqsanynda boıaý jáne dánekerleý jabdyqtary keledi.