Keıingi jyldary medısına qyzmetkerlerine shabýyl jasaý faktisi jıilegenin bilemiz. Sodan Memleket basshysy qyzmettik mindetterin atqarý kezinde medısına qyzmetkerlerine shabýyl jasaǵandarǵa jazalaý sharalaryn qatańdatýdy tapsyrǵan edi, dep jazady Egemen.kz.
Byltyr medısına mamandarynyń quqyǵyn qorǵaıtyn zań qabyldansa, bıyldan bastap stasıonarlarda polısııa beketteri ornatylyp jatyr. Búginde qaýipsizdikti qamtamasyz etý úshin stasıonarlarda 152 polısııa beketi ashylyp qoıǵan. Medısınalyq uıymdarda táýlik boıy jumys isteıtin polısııa beketteriniń jumysyn Densaýlyq saqtaý mınıstrligi aýmaqtyq polısııa departamentterimen birlesip qamtamasyz etip otyr.
Qazir qalalyq stasıonarlarda – 30, oblystyq stasıonarlarda – 10, balalar stasıonarlarynda –12, perınataldyq ortalyqtarda – 5, aýdandyq ortalyq aýrýhanalarda – 48, aýdandyq aýrýhanalarda – 23 post bar. Osylaısha, polısııa qyzmetkerleri stasıonardaǵy kez kelgen oqys oqıǵada jedel áreket etedi. Shıelenisterdiń aldyn alyp, medısına qyzmetkerlerimen qosa pasıentterdiń de qaýipsizdigin qamtamasyz etýge múmkindik beredi.