Bul týraly Premer-mınıstrdiń orynbasary – ulttyq ekonomıka mınıstri Serik Jumanǵarın Úkimettiń baspasóz máslıhatynda málim qyldy, dep habarlaıdy Egemen.kz.
Vıse-premer bıylǵy 7 aıda 8,9 mln tonna astyq pen un jóneltilgenin aıtty. Marketıngtik jyldyń qorytyndysy boıynsha astyq balamasyndaǵy eksport 13 mln tonnaǵa jetetini boljanyp otyr.
«Ortalyq Azııa, Iran, Ázerbaıjan, Reseı, Baltyq jaǵalaýy jáne Qara teńiz arqyly ótetin astyq eksportynyń kólemi artty. Sondaı-aq Marokko, Aljır jáne Vetnamǵa otandyq ónim jetkizile bastaldy», dep naqtylady Serik Jumanǵarın.
Sonymen qatar vıse-premer ósimdik maılarynyń eksporty 7 aıda 384,6 myń tonnaǵa jetkenin, bir jylǵa boljam – 670 myń tonnaǵa jýyq ekenin atap ótti.