Memleket basshysynyń Kaspıı teńizi problemasyn keshendi zertteý jónindegi tapsyrmasyn júzege asyrý sheńberinde «Qazaq Kaspıı teńizi ǵylymı-zertteý ınstıtýty» KeAQ-qa Úkimet rezervinen 305 mln teńge bólindi. Premer-mınıstr Oljas Bektenov tıisti qaýlyǵa qol qoıdy.
Instıtýt Prezıdent tapsyrmasymen Kaspıı teńiziniń ekologııalyq máselesin zertteý maqsatynda quryldy. Atap aıtqanda, ǴZI-diń qyzmet aıasyna balyq qorynyń kólemin baǵalaý, olardy saqtaý ádisteri men tehnologııasyn ázirleý, ıhtıofaýnany zertteý, ıtbalyqtyń jappaı qyrylý sebebin anyqtaý men onyń popýlıasııasyn saqtaý máselesi kiredi. Sonymen qatar teńizdiń gıdrologııalyq úderisterin zertteýge jáne onyń deńgeıin baqylaýǵa, klımattyń ózgerýi men onyń ekojúıege áserin taldaýǵa, sýdyń sapasy, bıologııalyq alýantúrlilik pen Kaspıı teńiziniń qazaqstandyq bóligi men jaǵalaýynyń ózge de parametrleri jónindegi derekterdi jınaý ári taldaýmen aınalysady.
Úkimet rezervinen bólingen qarajat ınstıtýtty odan ári damytýǵa baǵyttalǵan. Gıdrobıologııa men gıdrohımııa, gıdrometeorologııa, spýtnıktik monıtorıng zerthanalarynda ǵylymı-zertteý jumysyn ýaqtyly ári tıimdi júrgizýge, sondaı-aq ınstıtýtqa júktelgen ózge de mindetterdi oryndaýǵa múmkindik beredi.