Úkimet Prezıdenttiń tapsyrmasy aıasynda nashaqorlyq profılaktıkasy jáne esirtki qylmysyna qarsy is qımyl boıynsha memlekettik organdardyń qyzmetin úılestirý jónindegi respýblıkalyq shtab qurdy, dep jazady Egemen.kz.
Shtabqa Premer-mınıstr basshylyq etedi. Basshynyń orynbasarlary retinde Premer-mınıstrdiń orynbasary jáne ishki ister mınıstri aıqyndalǵan.
Respýblıkalyq shtab memlekettik organdardyń nashaqorlyqqa jáne esirtki bıznesine qarsy turý jónindegi is-qımylyn úılestirý, aldyn alý sharalary keshenin júzege asyrý boıynsha tıimdi tásilder ázirleý, esirtkige táýeldi adamdardyń profılaktıkasyn, emin jáne ońaltý júıesin jetildirý syndy negizgi mindetterdi atqarady.
Sondaı-aq onyń quramyna Bas prokýratýranyń, Ulttyq qaýipsizdik komıtetiniń, Qarjy monıtorıngi agenttiginiń, Ulttyq banktiń, Qarjy naryǵyn retteý jáne damytý agenttiginiń ókilderi, sondaı-aq birqatar jaýapty mınıstrlik basshylary engen.Premer-mınıstrdiń ókimimen oblystarda, Astana, Almaty jáne Shymkent qalalarynda óńirlik shtabtar qurý josparlanǵan.