О́tken túni Shymkent qalasy Abaı aýdany ákimdiginiń ǵımaratynan órt shyqqan. Qalalyq TJD habarlaýynsha órt týraly aqparat «112» arnasyna saǵat 03: 16 shamasynda túsken, dep jazady Egemen.kz.
Shymkent qalasy, ál-Farabı aýdany, Táýke han dańǵyly №3 mekenjaıynda ornalasqan ákimdik ǵımaratyndaǵy qyzyl jalyndy sóndirýge TJD-nyń 21 tehnıkasy men 88 qyzmetkeri, apattar medısınasy ortalyǵynan 1 tehnıka jáne 3 maman, jergilikti atqarýshy organdardan 2 tehnıka jáne 2 qyzmetker jumyldyrylǵan.
О́rt 1200 sharshy metr aýmaqty sharpyǵan.
«О́rt saǵat 04:58-de oqshaýlanyp, 05:27-de tolyq sóndirildi. Qaza bolǵandar men zardap shekkender joq. О́rttiń shyǵý sebebi anyqtalyp jatyr», dedi Shymkent qalasy TJD bastyǵynyń orynbasary azamattyq qorǵaý polkovnıgi Bekzat Qambarov.