Premer-mınıstr Oljas Bektenov Jambyl oblysyna jumys sapary aıasynda Memleket basshysynyń kólik-logıstıka salasyn odan ári damytý maqsatynda shekaralyq ótkizý pýnktterin jańǵyrtý jóninde bergen tapsyrmasynyń oryndalý barysyn tekserdi, dep habarlaıdy Egemen.kz Úkimettiń baspasóz qyzmetine silteme jasap.
Oljas Bektenov Qyrǵyz Respýblıkasymen memlekettik shekaradaǵy «Qordaı» jáne «Qarasý» avtokólik ótkizý beketterinde bolyp, ótkizý pýnktteriniń ınfraqurylymymen, problemalarymen jáne odan ári damytý josparlarymen tanysty.
Kólik mınıstri Nurlan Saýranbaev pen QR UQK Shekara qyzmeti dırektorynyń orynbasarynyń ýaqytsha mindetin atqarýshy Ulan Abıkov ótkizý beketterindegi jaǵdaı týraly baıandady. Odan bólek, Premer-mınıstrdiń tapsyrmasy boıynsha júrgizilgen jumys babyndaǵy tekserýlerdiń qorytyndysy týraly esepter tyńdaldy.
EAEO elderimen shekarada 39 avtokólik ótkizý pýnkti ornalasqan. Olardyń ekeýinde jóndeý jumystary tolyǵymen aıaqtaldy. Jańǵyrtý on pýnktte, onyń ishinde Qazaqstan–Reseı shekarasynda bastaldy. Rekonstrýksııalaý jumystarymen basqa da ótkizý pýnktteri qamtylady.
«Qordaı» AО́B-te buǵan deıin júrgizilgen rekonstrýksııa nátıjesinde qozǵalys jolaqtarynyń sany 4-ten 8-ge, tólqujattyq qadaǵalaý kabınalarynyń sany 20-dan 40-qa deıin artty. О́tkizý qabileti jolaýshylar aǵyny boıynsha 4 esege, avtokólik boıynsha 2,7 esege ósti.
«Qarasý» pýnkti boıynsha jańǵyrtý jumystary bastaldy, bul ótkizý qabiletin táýligine 700-den 2 myńnan astam kólik quralyna deıin arttyrýǵa múmkindik beredi. Sondaı-aq júk aǵyny men kólik qozǵalysyn jaqsartý úshin de jaǵdaılar jasalmaq. Joba shekaranyń ótkizý ınfraqurylymyn qazirgi zamanǵy talaptarǵa saı ulǵaıtýǵa baǵyttalǵan.
Premer-mınıstr shekara nysandary transshekaralyq yntymaqtastyqty damytýda mańyzdy ról atqaratynyn jáne halyqaralyq avtomobıl jáne jolaýshylar qatynasyn qamtamasyz etetinin atap ótti. Olarǵa rekonstrýksııa júrgizý Memleket basshysynyń baqylaýynda tur.
Oljas Bektenov jóndeý jumystarynyń sapaly ári ýaqtyly oryndalýyn qamtamasyz etýdi, sondaı-aq rásimdeý jumystaryn jedeldetý boıynsha sıfrlyq tehnologııalardy engizýdi jandandyrýdy tapsyrdy. Sondaı-aq azamattar men syrtqy ekonomıkalyq qyzmetke qatysýshylar úshin qaýipsizdikti qamtamasyz etý jáne jaılylyqty arttyrý maqsatynda jaǵdaı jasaý jóninde birqatar tapsyrma berildi.
Sapar barysynda «Batys Eýropa – Batys Qytaı» halyqaralyq dáliziniń quramynda taýarlardy saqtaý, óńdeý, shoǵyrlandyrý jáne ótkizýdiń negizgi ortalyǵyna aınalatyn ındýstrııalyq-saýda-logıstıkalyq keshen salý jobasyn júzege asyrý týraly baıandaldy. Oljas Bektenov qurylys jumystarynyń merzimi sozylyp ketýine baılanysty syn aıtyp, qysqa merzimde tıisti sharalar qabyldaýdy jáne jumys sapasy men qarqynyn qadaǵalaýdy kúsheıtýdi tapsyrdy.