Bas prokýratýra 6 jyldan astam ýaqyt boıy izdeýde júrgen kúdiktini Reseıden Qazaqstanǵa ekstradısııalady, dep jazady Egemen.kz.
Onyń ústinen 2014 jyly Pavlodarda asa iri kólemde – 66 keli marıhýana men 8 keli gashıshti zańsyz tasymaldaý jáne satý faktisimen qylmystyq is qozǵalǵan edi.
2015 jyly sot ony aqtap shyǵarsa da, prokýrordyń shaǵymynan keıin bul úkim jaramsyz dep tanylyp, kúdiktini 10 jarym jylǵa bas bostandyǵynan aıyrý jóninde jańa úkim shyqqan bolatyn.
Alaıda sottan boı tasalap, halyqaralyq izdeýde bolǵan kúdikti Máskeýde ustalǵan soń elge jetkizildi. Qazir ol ýaqytsha ustaý ızolıatorynda jazasyn óteýge daıyndalyp jatyr.