1812 jyly Napoleon áskeriniń Reseıden sheginýi tarıhtaǵy eń qaıǵyly joryqtardyń biri sanalady. Biraq sarbazdardy qyrǵan basty jaý – myltyq pen zeńbirek emes, kózge kórinbeıtin indet eken.
Ǵalymdar Vılnıýstegi baýyrlas zırattan tabylǵan sarbaz súıekterin zerttep, olardyń kópshiligi aýyr naýqastan qaıtys bolǵanyn anyqtady. Qazylǵan 3269 adamnyń súıeginde soǵys jaraqaty bolmaǵan. Demek, olardy aýrý jeńgen. Zertteýshiler sarbazdardyń tisterinen DNQ alyp, eki asa qaýipti, las sý men tamaqtan juǵatyn paratıf pen bıt arqyly taralatyn derttiń izin tapqan.