Qostanaı oblysynda 5,1 mln ga alqapta erte pisetin bıdaı, arpa, suly, jem-shópti jınaý bastalǵan, dep jazady Egemen.kz.
Egin jınaý naýqanyna 7,9 myń astyq jınaıtyn kombaın jáne 8,2 myń júk avtomobılderi paıdalanylady.
Qostanaı oblysynda kúzgi dala jumystary úshin 83 myń tonna dızel otyny bólingen. Onyń 15,6 myń tonnasy shilde aıynda qoljetimdi bolǵan, al 29,6 myń tonnasyn berý tamyzǵa josparlanǵan. Jetkizýdi 20 operator, sonyń ishinde óz resýrstaryn paıdalanatyn bes kásiporyn qamtamasyz etedi.О́ńirde jańa egindi saqtaý úshin jalpy syıymdylyǵy 3 mln tonna bolatyn 34 lısenzııalanǵan astyq qabyldaý kásiporny jumys isteıdi. Taǵy 5,3 mln tonnany sharýashylyq júrgizýshi sýbektilerdiń qoımalary qamtamasyz etedi. Sonymen qatar oblysta egindi saqtap, salý úshin 415 astyq keptirý agregaty ornatylǵan.