Prezıdent Qasym-Jomart Toqaev ustazdardyń Respýblıkalyq Tamyz konferensııasyna qatysty. Bıylǵy jıyn «Bilim keleshegi: adal azamat, kásibı maman» taqyrybyna arnaldy, dep jazady Egemen.kz.
Memleket basshysy eń aldymen Tamyz konferensııasynyń ashylýymen quttyqtap, jıynnyń óskeleń urpaqqa sapaly bilim men taǵylymdy tárbıe berý máselesine arnalǵan óte mańyzdy basqosý ekenin jetkizdi.
«Ustaz – ulttyń shamshyraǵy. Sizder kúndelikti qajyrly eńbekterińiz arqyly el damýyna ólsheýsiz úles qosyp kelesizder. Jas urpaqtyń boıyna bilim nárin seýip, ozyq oıly ult tárbıelep júrsizder. Halqymyzdyń zııatkerlik qýatyn arttyrýǵa belsene atsalysyp jatsyzdar.
Búgin men elimizdegi ustazdar qaýymyna shynaıy rızashylyǵymdy bildiremin! Shyn máninde, Muǵalimder memlekettik mańyzy bar jumysty atqaryp jatyr. Ybyraı Altynsarın «Jaqsy oqytýshyny bárinen de qymbat kóremin» degen. Eldiń erteńi muǵalimderge tikeleı baılanysty. Sondyqtan ustazdyń qoǵamdaǵy orny bárinen bıik bolýǵa tıis», dedi Prezıdent.