Shyǵys Qazaqstan oblysynda Ulttyq qaýipsizdik komıteti prokýratýra organdarynyń úılestirýimen, esirtki zerthanasyn joıý boıynsha operasııany iske asyrdy, dep habarlaıdy Egemen.kz vedomstvonyń baspasóz qyzmetine siltıeme jasap.
Qazaqstannyń eki azamaty qylmys jasady degen kúdikpen ustalyp, sottyń sanksııasymen qamaýǵa alyndy.
«Tintý barysynda 240 lıtrden asa psıhotroptyq zat pen 2 tonna prekýrsor, sondaı-aq esirtki daıyndaýǵa arnalǵan zerthanalyq jabdyq anyqtalyp, tárkilendi», - delingen UQK habarlamasynda.
Qylmystyq kodekstiń 297-baby boıynsha sotqa deıingi tergep-tekserý júrgizilýde.
Qylmystyq-prosestik kodekstiń 201-babynyń 1-bóligine sáıkes ózge aqparat jarııa etýge jatpaıdy.