Astanadaǵy jańa Táýelsizdik saraıynda ótken tamyz konferensııasynda Prezıdent Q.Toqaev Petropavl qalasyndaǵy №4-shi mekteptiń qazaq tili jáne ádebıeti pániniń muǵalimi Sholpan Ábilemovaǵa «Qazaqstannyń eńbek sińirgen muǵalimi» joǵary ataǵyn berdi, dep jazady Egemen.kz.
Sholpan Baqytqyzynyń eńbek ótili 44 jylǵa aınalyp qalǵan. Ol Mamlıýt aýdanyndaǵy Qyzylásker aýylynyń týmasy. Petropavldyń pedınstıtýtyn geografııa pániniń mamany boıynsha bitirgenimen ol 2001 jyly Almatynyń bilim jetildirý ınstıtýtynan qosymsha bilim alyp «qazaq tili men ádebıetiniń muǵlimi» mamandyǵyn alǵan. Sodan beri ol qazaq tilin oqytyp keledi.
Ol eń joǵary – «pedagog-zertteýshi» biliktilik kategorııasynyń ıesi, pándik olımpıadalarda onyń shákirtteri únemi aldyńǵy oryndar alyp keledi.
QYZYLJAR