Aqmola oblysynda jol-kólik oqıǵasy saldarynan bir adam qaza taýyp, beseýi aýrýhanaǵa jetkizildi. Olardyń ishinde úsh kámeletke tolmaǵan bala bar, dep jazady Egemen.kz.
Oblystyq polısııa departamentiniń málimetinshe, jol apaty 16 tamyz kúni «Astana – Petropavl» avtojolynyń 284-shaqyrymynda bolǵan. Mercedes-Benz pen Toyota Camry avtokólikteri soqtyǵysqan.
– Jol apaty saldarynan Mercedes-Benz avtokóliginiń bir jolaýshysy oqıǵa ornynda kóz jumdy. Mercedes-Benz kóligindegi taǵy tórt jolaýshy men Toyota Camry júrgizýshisi medısınalyq mekemege jetkizildi. Olardyń úsheýi – kámeletke tolmaǵan balalar, – delingen vedomstvo habarlamasynda.
Qazirgi ýaqytta atalǵan fakti boıynsha sotqa deıingi tergeý amaldary júrgizilip jatyr. Onyń nátıjeleri boıynsha prosessýaldyq sheshim qabyldanady.