Jambyl oblysynda jumysshy mamandyqtar jylyna oraı 120 oryndyq jataqhana paıdalanýǵa berildi, dep habarlaıdy Egemen.kz.
Nysannyń qurylysyn jeke kásipker Meız Ryspaeva jekemenshik áleýmettik seriktestik aıasynda júrgizip, tolyqtaı aıaqtady. Joba jastardyń áleýmettik-turmystyq jaǵdaıyn jaqsartý jáne qoljetimdi bilim berý keńistigin keńeıtý maqsatynda júzege asyryldy.
Jataqhanada Abaı atyndaǵy Jambyl gýmanıtarlyq joǵary kolledjdiń stýdentteri turady. Ǵımarat zamanaýı standarttarǵa saı salynyp, barlyq qajetti ınfraqurylymmen jabdyqtalǵan. Jatyn bólmeler, oqý jáne demalys zaldary, ashana men kir jýý bólmeleri bar.
Ashylý rásimi «Jastar Life Talks» motıvasııalyq forýmymen jalǵasty. Forýmda ártúrli salada jetistikke jetken jas mamandar men tanymal tulǵalar stýdenttermen kezdesip, tabysqa jetý jolyndaǵy tájirıbelerimen jáne motıvasııalyq oılarymen bólisti.