Kezdesý barysynda qazaq-ózbek strategııalyq seriktestigi men odaqtastyq qatynastarynyń ózekti máseleleri parlamentaralyq baılanystardy damytý turǵysynan talqylandy, dep habarlaıdy Egemen.kz Aqordanyń baspasóz qyzmetine silteme jasap.
Prezıdent Qasym-Jomart Toqaev Tanzıla Narbaevaǵa iltıpat bildirip, onyń Astanaǵa sapary Qazaqstan men О́zbekstan arasyndaǵy strategııalyq yntymaqtastyqtyń aıryqsha sıpatta órbip kele jatqanyn rastaıtynyn atap ótti.
Memleket basshysy qos halyq arasyndaǵy dostyq, tatý kórshilik baılanystardy nyǵaıtýǵa О́zbekstan Olıı Májilisi Senaty tóraǵasynyń qosqan úlesin joǵary baǵalady.
«Sizdiń saparyńyz elderimizdiń arasyndaǵy dostyq qatynastardy nyǵaıtý turǵysynan óte mańyzdy. Biz baýyrlas О́zbek elimen yntymaqtastyǵymyzdy damytýǵa erekshe mán beremiz. Muny Ortalyq Azııa óńirindegi turaqtylyq pen qaýipsizdikti saqtaýda óte mańyzdy faktor dep sanaımyz. Eki eldiń yqpaldastyǵy neǵurlym tyǵyz ári tabysty órbigen saıyn, jalpy óńirdegi jaǵdaı da tynysh bolady. Sizdiń saparyńyz parlamentaralyq baılanysty keńeıtý úshin shyn máninde mańyzdy ról atqarady», dedi Memleket basshysy.
Tanzıla Narbaeva qonaqjaılyq tanytqany úshin Qazaqstan Prezıdentine alǵys aıtyp, Prezıdent Shavkat Mırzııoevtiń sálemin jetkizdi
«Prezıdentimiz Sizge ystyq yqylasyn joldap, alǵa qoıǵan mindetterdiń sátti júzege asýyna tilektestik bildirdi. Qol jetkizilgen ýaǵdalastyqtardyń bári jeke baqylaýynda ekenin aıtty. Biz – Prezıdenttiń búkil komandasy, sonyń ishinde Parlament ony iske asyryp, naqty nátıjege qol jetkizý úshin aıanbaı eńbek etemiz. О́zińiz aıtqandaı, О́zbekstan men Qazaqstan – bir-birine eń jaqyn ári senimdi seriktester», dedi О́zbekstan Olıı Májilisi Senatynyń spıkeri.
Qasym-Jomart Toqaev pen Tanzıla Narbaeva parlamentaralyq dıplomatııany, sondaı-aq saýda-ekonomıkalyq jáne ınvestısııalyq yntymaqtastyqty odan ári damytý máselelerin talqylady.
Mádenı-gýmanıtarlyq baılanystardy nyǵaıtýǵa aıryqsha mán berildi.
Memleket basshysy oraıly sátti paıdalanyp, О́zbekstan Prezıdenti Shavkat Mırzııoevke jyly lebizin joldady.
Prezıdent Qasym-Jomart Toqaev ekijaqty strategııalyq seriktestikti tereńdetýge sińirgen eńbegi úshin Tanzıla Narbaevany II dárejeli «Dostyq» ordenimen marapattady.