Úkimet otyrysynda kólik mınıstri Nurlan Saýranbaev Memleket basshysynyń temirjol ınfraqurylymyn damytý jóninde bergen tapsyrmalarynyń júzege asý barysy týraly baıandady, dep jazady Egemen.kz.
Elimizde temirjol jelisiniń jalpy paıdalaný uzyndyǵy - 16 myń shaqyrym. Nurlan Saýranbaev tasymaldardyń tıimdiligi men turaqtylyǵyn arttyrý úshin 2029 jylǵa deıin 5 myń shaqyrym jańa jol qurylysyn salý men jańǵyrtý jumystaryn júrgizý josparlanyp otyrǵanyn aıtty.
Sonymen qatar, 11 myń shaqyrym jolda jóndeý jumystary qarqyndy. Al 5 joba boıynsha jańadan qurylys jumystary júrip jatyr. Olar – «Dostyq – Moıynty», «Darbaza – Maqtaaral», «Moıynty – Qyzyljar» «Baqty – Aıagóz» ýchaskeleri jáne «Almaty aınalma temirjoly».Bıyl merziminen buryn eki iri joba «Dostyq – Moıynty» ýchaskesi jáne «Almaty aınalma temirjoly» aıaqtalady.Kelesi jyly «Moıynty – Qyzyljar» jáne «Darbaza – Maqtaaral» jańa temirjoldaryn iske qosý josparlanǵan. Sonymen birge, bıyldan bastap 3 myń shaqyrymdyq temirjol ýchaskelerinde keń aýqymdy jańǵyrtýlar bastaldy.
«Bul jumystardy jańa joldardy salýmen birdeı dárejede qarastyrýǵa bolady. Mysaly, «Qyzyljar – Sekseýil» ýchaskesiniń ótkizý qabileti 8 poıyzdan 25 poıyzǵa deıin, al «Qandyaǵash – Tobyl» 7-den 25-ke deıin artady. Búgingi kúnde atalǵan jobalar Qazaqstannyń temirjol negizin tolyǵymen qalyptastyrady dep aıtýǵa bolady», dedi Nurlan Saýranbaev.