Ispanııanyń soltústik jáne batys óńirlerinde iri orman órtteri órship tur. Saldarynan birqatar aımaqta temirjol jáne avtokólik qozǵalysyna shekteý qoıyldy, dep habarlaıdy Egemen.kz.
El Pais basylymynyń jazýynsha, negizgi órt oshaqtary Estremadýra, Galısııa jáne Kastılııa-Leon aımaqtarynda tirkeldi. Sondaı-aq uzyndyǵy 50 shaqyrymǵa jýyq «Kamıno-de-Santıago» qajylyq baǵytynyń bir bóligi ýaqytsha jabyldy.
Eýropalyq orman órtteri týraly aqparat júıesiniń 18 tamyzdaǵy deregine sáıkes, qazirdiń ózinde 38 myń gektardan astam aýmaq janyp ketken. Salystyrý úshin, ótken jyly Ispanııada nebári 42 gektar orman órtengen.
О́rt saldarynan shamamen 30 myń adam evakýasııalandy. Tórt adamnyń qaza tapqany habarlandy.
Ulttyq meteorologııalyq agenttiktiń boljamynsha, aldaǵy kúnderi eldiń basym bóliginde aýa temperatýrasy tómendep, ylǵaldylyq artady. Degenmen, eldiń ońtústiginde, sonyń ishinde Estremadýra aımaǵynda ystyq aýa raıy saqtalmaq.