Eldegi ekinshi deńgeıli bankter 2025 jyldyń qańtar-shilde aralyǵynda 1,6 trln teńge taza paıdaǵa shyqty. Ulttyq banktiń málimetinshe, bul ótken jyldyń sáıkes kezeńinen 18,1%-ǵa nemese 252,5 mlrd teńgege kóp, dep jazady Egemen.kz.
Shilde aıy bank sektoryndaǵy eń tabysty aı boldy. Bir ǵana osy aıdyń qorytyndysy boıynsha bankterdiń taza paıdasy 262 mlrd teńgeni qurady. Bul – jyl basynan bergi rekordtyq kórsetkish ári ótken jyldyń shildesimen salystyrǵanda 13%-ǵa joǵary.
Aı saıynǵy tabys dınamıkasy: • qańtar – 228,4 mlrd tg • aqpan – 220,3 mlrd tg • naýryz – 215,1 mlrd tg • sáýir – 240,5 mlrd tg • mamyr – 238,6 mlrd tg • maýsym – 235,7 mlrd tg.
Maýsymda jarııalanǵan jartyjyldyq esepke sáıkes, tabys kólemi boıynsha kósh bastap turǵan bank – Halyk Bank. Onyń jartyjyldyq taza paıdasy 473,9 mlrd teńgege jetken. Odan keıingi orynda Kaspi Bank – 265 mlrd teńge, úshinshi satyda – Bank SentrKredıt (137,4 mlrd teńge).
Qazir elde 22 bank jumys isteıdi. Jyl ortasynda qarjy sektorynda birqatar ózgerister boldy: maýsym aıynda burynǵy mıkroqarjy uıymy bank lısenzııasyn alyp, BNK Commercial Bank ataýymen jumysyn bastady. Al tamyzdyń ortasynda taǵy bir iri mıkroqarjy uıymy – KMF resmı túrde KMF Bankke aınaldy.
Sarapshylardyń aıtýynsha, bankterdiń tabysy nesıe portfeliniń ósýimen, sondaı-aq halyqtyń tutynýshylyq nesıelerge suranysynyń artýymen baılanysty. Bul trend jyl sońyna deıin saqtalýy múmkin.