Qytaıdyń Gýanchjoý qalasynda ornalasqan Kaiwa Technology kompanııasy adam balasyn jasandy jolmen dúnıege ákeletin jańa tehnologııany tanystyrdy. Injenerlerdiń aıtýynsha, bul joba áıeldi aýyr júktilikten tolyqtaı bosatyp, urpaq ákelýdiń tyń múmkindigin ashady, dep jazady Egemen.kz.
Kompanııa mamandary daıyndap jatqan «týylý mashınasynda» bala jasandy jatyrda damyp, qajetti qorektik zattardy pýpovına qyzmetin atqaratyn tútik arqyly alady. Bul qurylǵyny ǵalymdar qarapaıym ınkýbator retinde emes, adamǵa barynsha uqsas gýmanoıdty robotqa engizýdi kózdep otyr. Nátıjesinde robot adammen ózara árekettese alatyn «júkti androıd» beınesinde jumys istemek.
Zertteýshilerdiń boljamynsha, bul ǵajaıyp tehnıka kelesi jyly naryqqa shyǵýy múmkin. Al baǵasy 100 myń ıýannan (shamamen 14 myń AQSh dollary) aspaıdy dep josparlanýda.
Joba jarııalanǵan sátten bastap qoǵamda túrli pikir týdy. Biri – tehnologııany medısınadaǵy úlken serpilis dep baǵalasa, endi biri – etıkalyq jáne zańdyq máselelerge alańdaýly. Ázirge kompanııa ókilderi qurylǵyny jetildirý ústinde.