Energetıka salasyn jańǵyrtýdyń eń mańyzdy baǵyty – zamanaýı sıfrlyq sheshimderdi engizý. Memleket basshysynyń tapsyrmalaryn oryndaý aıasynda salada jasandy ıntellekt tehnologııalary belsendi túrde qoldanysqa engen, dep jazady Egemen.kz.
Energetıka mınıstri Erlan Aqkenjenov atap ótkendeı, elektr energetıkasyndaǵy JI bar drondar elektr jelilerin jedel dıagnostıkalaýǵa, aqaýlardy anyqtaýǵa jáne onyń aldyn alýǵa kómektesedi.
«Jylý energetıkasynda akýstıkalyq rezonansqa negizdelgen robotty keshender qubyrlardyń kúıin ishinen skanerleıdi, bul maqsatty jóndeý jumystaryn júrgizýge múmkindik beredi. Gaz salasynda eseptegishter kórsetkishterin avtomatty túrde tanıtyn JI kómekshi tabysty jumys istep jatyr», dedi E.Aqkenjenov.