Qazaqstannyń eńbek sińirgen qaıratkeri, Memlekettik syılyqtyń laýreaty, professor Aǵymsaly Dúzelhanuly Dúzelhanov mezgilsiz dúnıeden ótti. Qaıǵyly qazany mádenıet jáne aqparat mınıstrligi habarlap, otbasy men týǵan-týystaryna kóńil aıtty, dep jazady Egemen.kz.
Aǵymsaly Dúzelhanuly – beıneleý ónerinde ózindik qoltańbasymen daralanǵan biregeı sýretshi. Ol shyǵarmalary arqyly halqymyzdyń rýhyn, zamana tynysyn aıshyqtap, ulttyq ónerimizdiń kókjıegin keńeıte tústi. Urpaq tárbıesine de ólsheýsiz eńbek sińirip, talaı jas sýretshiniń kásibı jolyn aıqyndaýyna jol ashqan.
О́mirden ozǵanyna qaramastan, onyń mol murasy men jarqyn beınesi halqymyzdyń júreginde máńgilik saqtalady.