2025 jyldyń alǵashqy jarty jyldyǵynda bankter shamamen 1,2 trln teńge kóleminde ıpotekalyq nesıe bergen. Krisha málimetinshe, bul kórsetkish 2024 jyldyń sáıkes kezeńimen salystyrǵanda 35%-ǵa kóp.
Qazaqstandaǵy ıpoteka rásimdegen azamattardyń jalpy sany 621 myń adamǵa jetti. Bul jyl basynan beri 4%-ǵa ósim bar degen sóz. 2025 jylǵy 1 shildedegi jaǵdaı boıynsha ıpotekalyq portfel kólemi 6,9 trln teńge.
Jańa ıpotekalyq nesıeniń ortasha somasy 18,9 mln teńge boldy. Bul bir jylda shamamen 3 mln teńgege artqan (2024 jyly – 15,8 mln tg).
Shaǵyn qaryz alýshylar orta eseppen 4,5 mln teńge nesıe alǵan.
Iri qaryz alýshylardyń ortasha somasy shamamen 46 mln teńge.
Bir ıpotekalyq qaryz alýshynyń ortasha qalǵan qaryzy 11 mln teńge shamasynda.
Shaǵyn ıpotekalyq qaryz alýshylardyń 10%-y orta eseppen 1,1 mln teńge qaryz.
Al iri ıpotekalyq qaryz alýshylardyń 10%-ynyń qaryzy 31,9 mln teńge, ıaǵnı shamamen 30 ese kóp.