Prezıdent aımaqtardyń yqpaldastyǵyn jandandyrýdy ózekti máseleniń biri retinde atady. Bul rette memleketter basshylary aımaqaralyq forýmnyń kelesi otyrysyn kóp sozbaı ótkizýge kelisti, dep habarlaıdy Egemen.kz Aqordanyń baspasóz qyzmetine silteme jasap.
Sonymen qatar kelissózder barysynda sıfrlandyrý jáne elektrondyq úkimet salasyndaǵy yntymaqtastyq áleýeti talqylandy.
Taraptar ekonomıka salasyn sıfrlandyrý úshin tájirıbe almasýǵa jáne aqparattyq baılanysty kúsheıtýge ýaǵdalasty.
Memleket basshysy sý-energetıka salasyndaǵy qarym-qatynasty úılestirý máselesine aıryqsha toqtaldy.
«Transshekaralyq sý resýrstaryn tıimdi paıdalaný aımaqtaǵy turaqtylyq pen ornyqty damýdyń mańyzdy faktoryna aınalyp otyr. Osy baǵyttaǵy yntymaqtastyqty jalǵastyrǵan jón dep sanaımyz. Biz barlyq kelisimdi múltiksiz oryndaýǵa jáne strategııalyq mańyzy bar birlesken jobalardy júzege asyrý úshin kúsh-jigerimizdi jumyldyrýǵa daıynbyz», dedi Qasym-Jomart Toqaev.