Bıyl Konstıtýsııaǵa 30 jyl. Osyǵan oraı 31 tamyz kúni elordada Roza Baǵlanova atyndaǵy «Qazaqkonsert» memlekettik akademııalyq konserttik uıymy aqyn-sazger, Mádenıet salasynyń úzdigi, respýblıkalyq patrıottyq ánder baıqaýlarynyń birneshe márte júldegeri Erqoja Tilepberdıevtiń «Rýh qanatynda» atty shyǵarmashylyq keshin uıymdastyrady.
Erqoja Álǵojauly Tilepberdıev – 300-den asa estradalyq, dástúrli, klassıkalyq shyǵarmalardyń án mátinderi men 50-ge jýyq ánderdiń, birneshe jyr-jınaqtardyń avtory. Sondaı-aq ol 5-shi dúnıejúzilik Kóshpendiler oıynynda oryndalǵan «Biz birgemiz!», kompozıtor S. Erkimbekovtyń Roza Baǵlanovanyń 100 jyldyq mereıtoıyna oraı arnap jazǵan «Dala qyzy», Ekinshi dúnıejúzilik soǵystyń 80-jyldyǵyna arnalǵan «Qarýly kúshter», «Ardagerler», «Qaýipsizdik qorǵany», «Áskerı kerneı» atty shyǵarmalardyń mátini men ánderin jazǵan.
Tereń oıly, erekshe minezdi sazgerdiń halyq batyrlary Rahymjan Qoshqarbaev, Baýyrjan Momyshuly, Saǵadat Nurmaǵambetovke, aqıyq aqyn Muqaǵalıǵa jáne t.b. arnaǵan óleń joldaryn oqyrmandary jatqa aıtady. Erekshe atap óterligi, Erqoja Tilepberdıev Raıymbek batyrdyń jetinshi urpaǵy. «Raıymbek batyr» ániniń sózin ózi jazǵan. Dástúrli án sarynynda jazǵan ánderi de az emes. Onyń ishinde «Beý dúnıe», «Jer sulýy Qarqara», «Attanǵanda» ánderi bar.
Konserttik baǵdarlamada avtordyń kópshilikke beımálim, áskerı-patrıottyq, klassıkalyq, lırıkalyq jáne estradalyq ánderi shyrqalady. Oǵan qosa Erqoja Tilepberdıevtiń óleńderine án jazǵan kompozıtorlar men onyń áýenderine sóz jazǵan aqyndardyń da tanymal týyndylary oryndalady. Kesh barysynda «Áskerı kerneı», «Jumaq meken», «Sapta turǵan saqshy qyz», «Qazaqstanym – Otanym meniń», «Ofıser myrzalar», «Ulandar marshy», «Abylaı han», «Beý dúnıe-aı», «Saǵynyshym týǵan jer» jáne t.b. týyndylar kórermen nazaryna usynylady.
Is-sharada Qazaqstannyń óner juldyzdary, Qazaqstannyń eńbek sińirgen qaıratkerleri Serik Erkinbekov, Qurmash Mahan, Klara Tólenbaeva, Nurbolat Arzamas, «Daryn» memlekettik jastar syılyǵynyń laýreaty Álibek Almadıev, tanymal opera ánshisi Aızada Kaponova, respýblıkalyq jáne halyqaralyq baıqaýlardyń laýreattary Aıbek Ábdiashımov, Birjan Aıtahmet, Aıdos Sanııazbek, sondaı-aq, «Astana sazy» memlekettik folklorlyq ansambli, «Gúlder» jáne «Birlik» ansamblderiniń bıshileri, «Astana Musical» memlekettik mıýzıkl teatry men «Halyq qazynasy» ulttyq óner ortalyǵynyń ártisteri jáne mádenıet maıtalmandary óner kórsetedi.
Sonymen qatar keshke Qarýly Kúshterdiń Ulttyq áskerı-patrıottyq ortalyǵy men Ulttyq Ulannyń án-bı ansambliniń solısteri jáne áskerı orkestri, «Erler» hory, Memlekettik kúzet qyzmeti ónerpazdary, UQK «Shekarashylar» án-bı ansambli jáne Ulttyq Delfıı oıyndarynyń jeńimpazdary qatysady.
Aıta keterligi, bul keshte alǵash ret «Qazaqkonsert» ártisteri men Qarýly Kúshter qurylymyndaǵy ónerpazdar birlese óner kórsetedi.
Ásem SAǴIQYZY,
Roza Baǵlanova atyndaǵy «Qazaqkonsert»
memlekettik akademııalyq konserttik uıymynyń
baspasóz hatshysy