Keıde qarapaıym ǵana dúnıeni ózimizdiń qorqynyshymyzben kúrdelendirip alamyz. Al eger oǵan jeńil qarasaq, nátıjesi tańǵalarlyq bolýy múmkin. Munyń aıqyn dáleli – AQSh matematıgi Djordj Dansıgtiń bastan ótkergen oqıǵasy.
Aspırant kezinde ol sabaqqa keshigip kelip, taqtadaǵy eki esepti úı jumysy eken dep oılapty. Bul matematıkalyq teńdeý ádettegiden qıyndaý kóringenimen, Dansıg birneshe kún ishinde álgi esepti shyǵaryp tastaıdy. Keıin belgili bolǵandaı, ol qarapaıym tapsyrma emes, statıstıka salasynda «sheshilmeıdi» dep kelgen kúrdeli esepti oryndap shyqqan eken.