Shymkent qalasynda el Konstıtýsııasynyń 30 jyldyǵyna oraı «30 mereıli kún» aksııasy júrip jatyr. Osy aksııanyń aıasynda «О́zgege ómir syıla» bastamasymen eriktiler qalalyq qan ortalyǵynda qan tapsyrdy, dep habarlaıdy Egemen.kz.
Atalǵan is-sharaǵa qala turǵyndary men eriktiler belsene qatysyp, 70-ke jýyq azamat donor boldy. Jınalǵan qan qoryn ómirine qaýip tóngen naýqastarǵa kómek kórsetý úshin paıdalaný kózdelýde. Qalalyq qan ortalyǵy mamandary barlyq qatysýshylarǵa rızashylyǵyn bildirip, donor bolýdyń – ózgege ómir syılaýmen teń ekenin atap ótti.
Mekeme qyzmetkerleriniń aıtýynsha qan tapsyrý – adam ómirin qutqaratyn eń izgi isterdiń biri. Donordan alynǵan qan túrli aýyr jaraqat alǵan naýqastarǵa, bosaný kezinde qıyndyqqa tap bolǵan analarǵa, qan jetispeýshiligimen aýyratyn balalar men eresekterge qoldanylady. Bir ǵana donordyń tapsyrǵan qany úsh adamnyń ómirin saqtap qalýy múmkin. Sonymen qatar, qan tapsyrý donordyń óz densaýlyǵyna da paıdaly. Bul aǵzanyń qan aınalymyn jaqsartyp, jańa qan túzilýin yntalandyrady, júrek-qan tamyr aýrýlarynyń aldyn alýǵa kómektesedi.
ShYMKENT