AQSh prezıdenti ákimshiligi Ýkraınaǵa uzaq qashyqtyqqa ushatyn 3,35 myń ERAM zymyranyn berýge kelisim berdi. Bul týraly The Wall Street Journal habarlady, dep jazady Egemen.kz.
Zymyrandar alty apta ishinde jetkiziledi. Áskerı kómektiń jalpy quny – 850 mıllıon dollar. Qazirshe bul paketke taǵy qandaı qarý-jaraq kiretini belgisiz. Kómektiń negizgi bóligin Eýropa elderi qarjylandyryp otyr.
Basylymnyń dereginshe, AQSh bıligi bul sheshimdi Donald Tramptyń Reseı prezıdenti Vladımır Pýtınmen Alıaskada, al Ýkraına prezıdenti Vladımır Zelenskıımen Vashıngtonda ótken kelissózderinen keıin qabyldaǵan.
ERAM zymyrany AQSh-ta jasalǵan zamanaýı SM-6 zymyran kesheniniń bir bóligi. Ol ádette áýe jáne teńiz shabýyldarynan qorǵaný úshin qoldanylady. Degenmen keı jaǵdaılarda shabýyldyq maqsatta da paıdalanýǵa bolady.