Jol apaty 25 tamyzda Qabanbaı batyr dańǵylynda bolǵan. Áleýmettik jelide taraǵan vıdeoda avtobýstyń jol jıegine shyǵyp ketkenin kórýge bolady, dep jazady Egemen.kz.
Vıdeodan avtobýstyń qala ishinde qatynaıtyn marshrýt emes ekenin baıqalady. Jol-kólik oqıǵasynan 14 adam zardap shekken. Qalalyq densaýlyq saqtaý basqarmasynyń málimetinshe, olar jedel járdemmen medısınalyq mekemelerge jetkizilgen.
«Zardap shekkenderdi qabyldaý bóliminde salalyq mamandar teksergen. Olardyń birqatary ambýlatorlyq emdeýge jiberilip, qalǵandary qosymsha tekserýden ótip jatyr. Zardap shekkenderdiń basym bóligi jeńil túrde jaralanǵan», dep málimdedi basqarma.