Astanada polıseıler Baıqońyr aýdanyndaǵy aıaldama pavılonyn ádeıi búldirgen er adamdy ustady. 37 jastaǵy kúdikti qoǵam múlkine masań kúıde zııan keltirgen, dep jazady Egemen.kz.
Sot sheshimimen quqyq buzýshy bótenniń múlkin qasaqana joıý nemese zaqymdaǵany úshin 10 táýlikke ákimshilik qamaýǵa alynǵan. Elordalyq polıseıler jyl basynan beri osyǵan uqsas buzaqylyqqa barǵan 165 adamnyń jaýapkershilikke tartylǵanyn málimdedi.
Aıta keteıik, qala ınfraqurylymyna zalal keltirý zańmen jazalanady. Qalalyq polıseıler aıaldamalar men oryndyqtardy, shaǵyn sáýlet nysandary men ózge de qoǵamdyq keńistikti búldirý qalanyń kórkin buzyp, turǵyndardyń jaıly ómir súrýine kedergi keltiretinin de eskertip otyr.