Búgin Atyraý oblysyndaǵy shyǵaratyn keshende regenerasııalyq aýa kompressorynyń jumysy toqtap qaldy. Sonyń saldarynan aýaǵa qara tútin býdaqtady, dep habarlaıdy Egemen.kz.
Keshendegi qara tútinniń fotosy men vıdeosy áleýmettik jelide tarady. Osyǵan baılanysty «Kazakhstan Petrochemical Industries Inc» JShS túsinik berdi.
«Zaýytta shilde-tamyz aılarynda negizgi toraptar men jabdyqtardy ınspeksııalaýdy qamtıtyn josparlanǵan aldyn alý jumystary júrgizildi. Iske qosý operasııasy kezinde qorǵanys buǵattaýynyń iske qosylýynan regenerasııalyq aýa kompressory toqtap qaldy. Bul óndiristik prosestiń toqtatylýyna, óndiristiń qaýipsizdigin qamtamasyz etý maqsatynda gazdyń artyq qysymyn shyǵarý qajettigine ákelip soqtyrdy. Júıedegi qysymdy turaqtandyrǵannan keıin iske qosý operasııalary shtattyq rejımde jalǵasty», dep habarlady kompanııa.
Qazir zaýytta iske qosý operasııalary jalǵastyrylyp jatyr.
«Polıpropılen óndirý zaýytynda 99,9% konsentrasııasyna deıin tazartylǵan propan paıdalanylady. Bul propanda kúkirt pen kúkirtti sýtek qospalary joq», dep málimdedi kompanııadan.