Komıtet ishtegi syrqattanýshylyq pen álemdegi epıdemıologııalyq jaǵdaıǵa apta saıynǵy monıtorıng júrgizýdi jalǵastyryp jatyr. Elimizde koronavırýs ınfeksııasy boıynsha epıdemıologııalyq jaǵdaı turaqty, dep habarlaıdy Egemen.kz.
Jyl bastalǵaly COVID-19-dyń 859 jaǵdaıy tirkelgen. Byltyrǵy osy kezeńmen salystyrǵanda syrqattanýshylyq deńgeıi 2 esege tómendegen, ólim jaǵdaıy tirkelmegen. Aýrý jeńil túrde ótip, pasıentter negizinen ambýlatorııalyq jaǵdaıda em qabyldaǵan.
Elimizde vırýstyń aınalymy men onyń ártúrli nusqalaryna toqsan saıyn monıtorıng júrgiziledi. QR Densaýlyq saqtaý mınıstrligine qarasty Sanıtarııalyq-epıdemıologııalyq baqylaý komıtetiniń málimetinshe SARS-CoV-2 nusqalarynyń aınalymyna sońǵy monıtorıng derekteri boıynsha respýblıkada Omıkron qosalqy nusqalarynyń aınalymy belgilendi: XFG.3 – 83,3%, XFG.3.3.1 – 5,6%, XFG.3.4.3 – 5,6%, XFG.2 – 5,6%.
DDU-nyń resmı jarııalanymdaryna sáıkes, XFG jelisiniń aınalymy ózge aınalymdaǵy Omıkron urpaqtarymen salystyrǵanda halyqtyń densaýlyǵyna qosymsha qaýip tóndirmeıdi.