Pavlodar oblysy aldaǵy úsh jylda el ekonomıkasyndaǵy «donor óńirlerdiń» qataryna qosylmaq. Úkimet usynǵan boljamǵa sáıkes, 2028 jylǵa qaraı aımaq respýblıkalyq bıýdjetten qarjylaı kómek almaı-aq, óz kiristeri esebinen tolyqtaı qamtamasyz etiletin bolady, dep jazady Egemen.kz.
Premer-mınıstrdiń orynbasary – Ulttyq ekonomıka mınıstri Serik Jumanǵarınniń aıtýynsha, jańa Bıýdjet kodeksiniń qaǵıdalary eskerilip, 2026-2028 jyldarǵa arnalǵan qarjylyq boljam jasalǵan.
«2026 jyly jergilikti bıýdjetterdiń kirisi shamamen 10,7 trıllıon teńge bolsa, 2028 jylǵa qaraı bul kórsetkish 13,3 trıllıon teńgege jetedi dep kútilýde. Al shyǵystar kólemi 2026 jyly 14,9 trıllıon teńgeni qurasa, 2028 jylǵa qaraı 18,7 trıllıon teńgege deıin ósedi», dedi mınıstr.
Osy eseptiń negizinde respýblıkalyq bıýdjetten óńirlerge bólinetin sýbvensııalar kólemi 2026 jyly 5,1 trıllıon teńge bolyp belgilengen. Al donor sanalatyn óńirlerden respýblıkalyq bıýdjetke túsetin qarjy kólemi 879,9 mıllıard teńgeni quraıdy.
Osy boljam boıynsha, 2028 jyly Pavlodar oblysy sýbvensııa alatyn óńirler qatarynan shyǵyp, ózin-ózi qarjylaı qamtamasyz etetin aımaqqa aınalmaq. Bul – oblystyń salyq bazasynyń keńeıip, óndiristik jáne ekonomıkalyq áleýetiniń arta túskenin kórsetedi.