Memleket basshysy Qasym-Jomart Toqaev Qytaı Halyq Respýblıkasynyń Qazaqstandaǵy elshisi Han Chýnlındi qabyldady, dep habarlaıdy Egemen.kz.
Kezdesýde Qasym-Jomart Toqaevtyń Qytaı Halyq Respýblıkasyna jasaıtyn aldaǵy saparyna daıyndyq máseleleri talqylandy. Sondaı-aq Tıanszınde ótetin Shanhaı yntymaqtastyq uıymynyń sammıtine jáne «ShYU plıýs» otyrysyna qatysý baǵdarlamasy pysyqtaldy.
Prezıdent elimizdiń Qytaımen jan-jaqty strategııalyq seriktestikti tereńdetýge basa mán beretinin atap ótti.
Memleket basshysy ShYU sammıti tabysty ótip, Uıym tarıhynyń jańa kezeńine jol ashatynyna senim bildirdi. Bul óńirlik san qyrly baılanystardy odan ári damytýǵa yqpal etedi.
Elshi qazaq-qytaı qarym-qatynasyn barlyq salada nyǵaıtýǵa tyń serpin beretin Beıjiń men Tıanszındegi is-sharalardy nátıjeli ótkizýge bar kúsh-jigerin jumsaıtynyn jetkizdi.
Sonymen qatar kezdesýde eki el arasyndaǵy saýda-ekonomıkalyq, ınvestısııalyq jáne mádenı-gýmanıtarlyq salalardaǵy yqpaldastyqty damytý perspektıvasy qarastyryldy.