Almatylyq «Qaırat» fýtbol klýby pleı-off raýndynyń qarymta matchynda shotlandııalyq «Seltıkti» óz alańynda jeńip, Chempıondar lıgasynyń negizgi kezeńine ótti, dep habarlaıdy Egemen.kz.
Almatylyq «Qaırat» fýtbol klýby Chempıondar lıgasynyń negizgi kezeńine shyqty. Almatylyqtar «Seltıkti» penaltı serııasynda qapy qaldyrdy.
Almatyda ótken kezdesýde qos komanda bir-birine laıyqty qarsylas boldy. Negizgi ýaqyt pen qosymsha taımdarda esep ashylmaı, oıyn 0:0 nátıjesimen aıaqtaldy. Jeńimpazdy anyqtaý úshin penaltıge júginýge týra keldi.
Penaltı serııasy barysynda «Qaırattyń» qaqpashysy Temirlan Anarbekov sheberligin kórsetip, alǵashqy soqqyny qaıtardy. Jankúıerlerdiń qýanyshyn eselegen ol barlyǵy úsh soqqyny toıtaryp, komandasyna senimdilik syılady. Valerıı Gromyko óz múmkindigin múlt jibergenimen, Aleksandr Martynovıch pen Ofrı Arad óz penaltılerin dál oryndady.
Nátıjesinde, penaltıde basymdyq kórsetken «Qaırat» jarystyń kelesi kezeńine joldama alyp, jankúıerlerin qýantty. Bul kezdesýdiń basty qaharmany sózsiz – qaqpashy Temirlan Anarbekov.
Aıta keteıik, buǵan deıingi matchta, ıaǵnı pleı-off raýndyndaǵy alǵashqy kezdesýde, qos komanda Shotlandııadaǵy «Seltık Park» alańynda 0:0 esebimen teń tarqasqan bolatyn.