Prezıdenttiń 2024 jylǵy Joldaýyn jáne ózge de tapsyrmalaryn júzege asyrý sheńberinde «Taza Qazaqstan» ekologııalyq bastamasy bastalǵaly elimizde 1 myńnan astam ekologııalyq aksııa ótkizilip, oǵan 10,4 mln-nan astam adam qatysty, onyń ishinde 586 myńy erikti, dep jazady Egemen.kz.
«Jalpy 1,6 mln tonnadan astam qaldyq jınalyp, 859,6 myń ga aýmaq tazartyldy», dep naqtylady Ekologııa jáne tabıǵı resýrstar mınıstri Erlan Nysanbaev.
«Taza Qazaqstan» bastamasy azamattardyń júıeli kózqarasy, saıası erik-jigeri men belsendi qatysýy naqty jemisin bere alatynyn kórsetti. El turaqty ekologııalyq damý baǵytyn aıqyndap alǵa basady, bastama árbir turǵynnyń qorshaǵan orta úshin jaýapkershilik mádenıetin qalyptastyrý úshin berik negiz jasaıdy.