Qytaıdyń Sý resýrstary mınıstrligi Beıjiń men Tıanszın qalalarynda tórtinshi deńgeıli sý tasqynyna qarsy tótenshe jaǵdaı tártibin jarııalady, dep habarlaıdy Egemen.kz Xinhua agenttigine silteme jasap.
Resmı málimetke sáıkes, aldaǵy kúnderi aımaqta qatty jaýyn jaýyp, sý deńgeıiniń kúrt kóterilý qaýpi bar. Osyǵan oraı Beıjiń-Tıanszın-Hebeı óńirinde qaýipsizdik sharalary kúsheıtilgen.
26-28 tamyz aralyǵynda jaýyn-shashynnyń mol túsýi shaǵyn jáne orta ózenderde sý basý yqtımaldyǵyn arttyrady. Qaýipsizdikti qamtamasyz etý úshin Beıjińde 60 myńdaı turǵyn basqa jerge kóshirilip, taýly aımaqtaǵy demalys oryndary ýaqytsha jabylǵan.
Sonymen qatar, úsh myńnan astam qurylys nysanynda jumystar toqtatylyp, tabıǵı apattyń saldarymen kúreske 200 myń kommýnaldyq qyzmetker jumyldyrylǵan.
Buǵan deıin, 26 shildeden bastap Beıjińde tolassyz jaýyn jaýyp, ol sý tasqynyna ákelgen edi. 28 shildede qyzyl deńgeıli eskertý jarııalanyp, halyqqa úıden shyqpaý usynylǵan. 29 shildedegi sońǵy derekterge qaraǵanda, sý tasqyny saldarynan 30 adam kóz jumǵan.
Jalpy, shilde aıyndaǵy nóserdiń kesirinen 82 myńnan astam astanalyq evakýasııalanǵan bolatyn.