Reuters agenttiginiń habarlaýynsha, AQSh Úndistannan keletin keıbir taýarlarǵa kedendik mólsherlemeni 25%-dan 50%-ǵa deıin arttyrdy, dep jazady Egemen.kz.
Munyń negizgi sebebi – Úndistannyń Reseı munaıyn iri kólemde satyp alýy bolyp otyr. Aq úıdiń pikirinshe, bul saýda saıasaty halyqaralyq sanksııalyq rejimdi buzyp, batys elderiniń, ásirese odaqtastardyń, energetıkalyq qaýipsizdigine tikeleı qaýip tóndiredi.
Buǵan deıin eki el ókilderi bes raýnd kelissóz júrgizgenimen, naqty kompromısske qol jetkize almaǵan. Bul jaǵdaı AQSh pen Úndistan arasyndaǵy saýda qatynastary men energetıkalyq saıasatqa qatysty shıelenistiń jańa kezeńin kórsetip otyr.