Qazaqstan Respýblıkasy Konstıtýsııasy kúni qarsańynda Selınograd aýdanyndaǵy Aqqaıyń aýylynda aq túıeniń qarny jarylǵan oqıǵa oryn aldy, dep habarlaıdy Egemen.kz.
233 úıge kógildir otyn qosyldy. Jalpy uzyndyǵy 62,8 shaqyrym gaz qubyrynyń 7,4 shaqyrymy ortasha qysymdylyqta bolsa, 55,4 shaqyrymy tómen qysymda. Eleýli oqıǵa oryn alǵan kezde eldegi qýanysh eselene tústi. Balalardyń sport jáne oıyn alańy paıdalanýǵa berildi.
Aqqaıyń Selınograd aýdanyndaǵy ortalyqtandyrylǵan gazben qamtamasyz etilgen úshinshi eldi meken. Aǵymdaǵy jyly taǵy alty aýyl gazdandyrylmaq. 432 shaqyrym gaz qubyry iske qosylady. Bul jaı 35 myń adamdy kógildir otynmen qamtamasyz etýge múmkindik beredi.
Aqmola oblysy,
Selınograd aýdany.