Prezıdent tapsyrmalaryn iske asyrý jáne óńirlerdiń teńgerimdi ári turaqty damýyn qamtamasyz etý maqsatynda Qazaqstan Úkimeti 2030 jylǵa deıingi óńirlik damý tujyrymdamasyn bekitti, dep habarlaıdy Egemen.kz.
Ulttyq ekonomıka vıse-mınıstri Baýyrjan Omarbekovtyń málimdeýinshe, jańa qujat halyqtyń ómir súrý deńgeıin arttyrýǵa jáne óńirlerdiń ekonomıkalyq áleýetin tolyq ashýǵa baǵyttalǵan. Tujyrymdamada negizgi damý baǵdarlary retinde aglomerasııalar, monoqalalar, tirek aýyldar jáne jańa Alataý qalasy aıqyndalǵan.
Sonymen qatar áleýmettik, ınjenerlik jáne kólik ınfraqurylymyna qoljetimdiliktegi aıyrmashylyqtardy azaıtýǵa basa nazar aýdarylǵan.
«Búginde О́ńirlik standarttar júıesine sáıkes, eldi mekenderdiń qamtamasyz etilý deńgeıi 64%-dy qurady. Al 2028 jylǵa qaraı 70%-ǵa deıin ósý boljanýda. Budan bólek, 2030 jylǵa qaraı eldegi jalpy ishki ónimde shaǵyn jáne orta bıznestiń qosatyn úlesi 40%-ǵa deıin jetpek», dedi vıse-mınıstr Baýyrjan Omarbekov.