Shahter kúni qarsańynda Prezıdent Qasym-Jomart Toqaevtyń atynan Premer-mınıstr Oljas Bektenov kómir ónerkásibiniń ardagerleri men mamandaryna memlekettik nagradalar tabys etti, dep habarlaıdy Egemen.kz.
Oljas Bektenov taý-ken ónerkásibi óziniń strategııalyq mańyzyn saqtap qala beretinin atap ótti. Sırek jáne jerde sırek kezdesetin metaldardyń ken ornyn ıgerý elimizdiń damýyna qosymsha serpin berip, shahter mamandyǵynyń mańyzyn naqtylaı túsedi.
Shahterler men kenshiler Memleket basshysyna jumysshy mamandyqtaryna kóńil bólip kele jatqany úshin alǵys bildirdi.
«Búgin elimizde eleýli mereke bolyp jatyr. Osy Shahter kúnimen kenshilerdi quttyqtaımyn. Meniń bul saladaǵy jalpy eńbek ótilim qyryq jylǵa jýyq. Kenshilerdiń jumysy jemisti, qaýipsiz bolsyn dep tileımin. Eńbegimizdi baǵalap, marapattap jatqan Memleket basshysyna zor alǵysymdy bildiremin», deıdi «Qazaqmys korporasııasy» JShS fılıaly – «Qaraǵandytústimet» О́B «Nurqazǵan» kenishiniń dırektory Muqan Úngitbaev.
Joǵary memlekettik nagradaǵa ıe bolǵandardyń qýanyshynda shek joq. Olar bul marapattar kenshilerdiń eńbegine, tózimdiligi men jankeshti eńbegine berilgen joǵary baǵa dep esepteıdi.
«Taý-ken óndirisine 1996 jyly keldim. Sodan beri 28 jyldyń júzi bolypty. Búgin eńbegimiz elenip, joǵary memlekettik maprapat alyp jatqanyma alǵysymdy aıtamyn. Kele jatqan kásibı merekemiz qutty bolsyn! Otbasylaryńyzǵa amandyq, jaqsylyq tileımin. Qýanyshty kúnderińiz kóp bolsyn», deıdi «Qazaqmys korporasııasy» JShS fılıaly – Q.I. Sátbaev atyndaǵy «Jezqazǵantústimet» О́B-niń úńgileýshisi Erbol Esetov.
Kenshiler qaýymy taý-ken salasy, sonyń ishinde, kómir óndirý kásibi óte úlken oń ózgeristerge úshyrap jatqanyn aıtady. Salada qaıta jańǵyrtý júrip, óndiristiń qarqynyn arttyrý máseleleri sheshimin tabýda.
«Men Memleket basshysyna, bizdiń kompanııanyń basshylyǵyna meniń eńbegimdi laıyq baǵalap, joǵary nagradaǵa usynǵany úshin rahmetimdi aıtamyn. Bul tek maǵan ǵana emes, ujymyma, áriptesterime berilgen baǵa dep bilemin. О́zim kómir ónerkásibinde 40 jyldan astam ýaqyt qyzmet etip kelemin. Eńbek jolymdy taý-ken sheberi bolyp bastap, departament dırektory qyzmetine deıin kóterildim. Bul mamandyqty jastaıymnan tańdadym, mektep bitirgen soń polıtehnıkalyq ınstıtýtqa oqýǵa tústim. Sodan bergi aralyqta, taý-ken salasy, sonyń ishinde, kómir óndirý kásibi óte úlken tabystarǵa qol jetkizdi. Qaıta jańǵyrtý júrip jatyr, qaýipsizdik máseleleri, óndiristiń qarqynyn arttyrý máseleleri sheshimin tabýda. Bul ózgeristerde úlken ujymnyń ushan-teńiz eńbegi jatyr. Osyǵan oraı barsha shahterlerdi búgingi kásibı merekemen quttyqtap, zor densaýlyq, yrys-bereke tileımin», deıdi «Qarmet» AQ Kómir departamentiniń óndiris jónindegi dırektory Tólegen Shaıahmetov.
Kómir jáne taý-ken salasyn damytýǵa qosqan úlesi úshin erekshe kózge túsken qyzmetkerlerge memlekettik nagradalar men qurmetti ataqtar tabys etildi.
Marapattalǵandar:
«Qazaqstannyń eńbek sińirgen kenshisi» qurmetti ataǵy:
Krasnoshekov Sergeı Vasılevıch – «Qarmet» AQ Túsip Kúzembaev atyndaǵy shahtanyń jerasty taý-ken jumysshysy
Esetov Erbol Jaǵyparuly – «Qazaqmys korporasııasy» JShS fılıaly – Q.I. Sátbaev atyndaǵy «Jezqazǵantústimet» О́B-niń úńgileýshisi
Bajaqanov Ismaǵul Jarketuly – «Qazhrom» AQ Don taý-ken baıytý kombınaty (ERG) «Bolashaq» shahtasynyń úńgileýshisi
«Qurmet» ordeni:
Janaıdarov Beıbit Qamshybaıuly – «Qarmet» AQ «Shahtınskaıa» shahtasynyń elektr slesary
Sorochkın Aleksandr Vasılevıch – «Qarmet» AQ Túsip Kúzembaev atyndaǵy shahtanyń úńgileýshisi
Qydyralın Bolat Sabyruly – «Shubarkól kómir» AQ «Ortalyq» taý jumystary teliminiń ekskavator mashınısi
Semeıbaev Syrym Saıranbekuly – «Qarmet» AQ basqarma múshesi – basqarma tóraǵasynyń birinshi orynbasary
Shaıahmetov Tólegen Nábıuly – «Qarmet» AQ Kómir departamentiniń óndiris jónindegi dırektory
III dárejeli «Eńbek Danqy» ordeni:
Aıtpaev Meıirbek Ábdiqamıtuly – «Qazaqmys korporasııasy» JShS fılıaly – Q.I. Sátbaev atyndaǵy «Jezqazǵantústimet» О́B-niń VI razrıadty jarýshysy
Arnaýtov Petr Mıhaılovıch – «О́rken» JShS «Batys Qarajal» shahtasynyń elektr slesary
Álkenov Nurlan Tuıaquly – «Eýroazııalyq energetıkalyq korporasııasy» AQ (ERG) «Shyǵys» razreziniń ekskavator mashınısi
Nadejkın Aleksandr Vasılevıch – «Qarmet» AQ Qaraǵandy kólik-júk tıeý basqarmasynyń teplovoz mashınısi
Podoprıgora Oleg Aleksandrovıch – «Qazhrom TUK» AQ (ERG) Shahta qurylys sehynyń bastyǵy
Reka Igor Petrovıch – «Qazaqmys korporasııasy» JShS fılıaly – Q.I. Sátbaev atyndaǵy «Jezqazǵantústimet» О́B-niń II razrıadty kenshisi
Tórebekov Erjan Serikuly – «Qarmet» AQ «Shahtınsk» shahtasynyń úńgileýshisi
Úngitbaev Muqan Jalǵasuly – «Qazaqmys korporasııasy» JShS fılıaly – «Qaraǵandytústimet» О́B «Nurqazǵan» kenishiniń dırektory
Ilııasov Rýslan Serikbaıuly – «Qarmet» AQ Qaraǵandy júk tıeý-kólik basqarmasynyń teplovoz mashınısi
«Eren eńbegi úshin» medali:
Andronýsa Iýrıı Aleksandrovıch – «Shubarkól Kómir» AQ №1 avtokolonnasynyń taý kóligi júrgizýshisi
Isekeeva Roza Qadyrbekqyzy – «Qazhrom» TUK» AQ (ERG) ken baıytý jáne kesekteý dıspetcheri
Popov Igor Nıkolaevıch – «Shubarkól Premıým» AQ №2 avtokolonnasynyń jol-kólik mashınalarynyń mashınısi
Prokopov Aleksandr Nıkolaevıch – «Qarmet» AQ «Saran» shahtasynyń taý-ken jumysshysy
Pýtyrskıı Anatolıı Arkadevıch – «Qazaqmys korporasııasy» JShS fılıaly – Q.I. Sátbaev atyndaǵy «Balqashtústimet» О́B «Saıaq-1» shahtasynyń V razrıadty jarýshysy
Sársembaev Rashıd Barlybaıuly – «О́rken» JShS («Qarmet» AQ) bas kenshisi
Soǵymbaev Azat Bolysbekuly – «Shyǵystústimet» JShS Ertis shahtasynyń №2 teliminiń úńgileýshisi
Hametov Dúısembaı Jaımyrzauly – «Shubarkól Premıým» AQ №2 avtokolonnasynyń avtomobıl júrgizýshisi