О́simdikter kún sáýlesin paıdalanyp, kómirqyshqyl gazyn qant molekýlalaryna aınaldyrady. Bul – fotosıntez dep atalatyn, búkil tirshiliktiń negizin quraıtyn ǵajaıyp úderis. Shveısarııa ǵalymdary osy qubylysty zertteı otyryp, erekshe jańa molekýla jasap shyǵardy.
Molekýla jaryq túsken kezde birden eki oń jáne eki teris zarıadty jınaı alady. Iаǵnı ol tabıǵattaǵy fotosıntezdi qaıtalaıtyn kishigirim batareıa sııaqty jumys isteıdi. Sonyń arqasynda kún sáýlesi energııa kózi retinde paıdalanylyp, kómirteksiz taza otyn óndiriledi.